Constitucion ta subordina na Statuut di Reino Hulandes, cu ta regla relacion estatal entre e paisnan Hulanda, Aruba, Curaçao y Sint Maarten. Den Statuut ta para cu e paisnan en cuestion ta atende nan propio asuntonan independientemente y cu conhuntamente nan ta atende asuntonan di Reino. Ademas Statuut ta duna regla pa cooperacion mutuo, asistencia, consulta y organisacion politico di e paisnan.

A promulga Statuut na 1954. For di e momento ey e paisnan di Reino tin posicion ekivalente y nan ta atende independientemente nan propio asuntonan. Por cambia Statuut solamente si tur e paisnan di Reino ta di acuerdo. E Constitucion Hulandes y E Areglo di Estado di Aruba, Curaçao y Sint Maarten ta subordina na Statuut.