Aruba, Curaçao y Sint Maarten mes ta responsabel pa, por ehempel, bon gobernacion, enseñansa y e sistema huridico. Hulanda ta atende cu politica exterior pa Reino. Esaki ta hancra den Statuut di Reino Hulandes.
Competencia y Autoridad di paisnan di Reino Hulandes
Reino Hulandes ta responsabel, entre otro, pa relacionnan exterior, defensa y nacionalidad Hulandes. E acuerdonan al respecto ta conta pa henter Reino. Hulanda, Aruba, Curaçao y Sint Maarten mester percura pa cumpli cu of ehecuta e acuerdonan aki. Riba e otro terenonan, e paisnan mes por fiha e politica cu nan ta desea di hiba. Aki nos ta pensa riba cuido di salud, turismo y empleo.
Politica exterior
E ministerionan Hulandes di Asuntonan Exterior y Defensa t’ey pa tur e paisnan den Reino. Esaki ta conta tambe pa embahada- y consuladonan Hulandes den exterior. Hulanda ta fiha e politica exterior pa Reino. Den esaki e ta tene cuenta cu e interesnan di Hulanda y e parti Caribense di Reino.