Solicita rijbewijs Hulandes

Entrante 1 di october 2006 a introduci un rijbewijs Hulandes nobo. E rijbewijs aki ta reemplasa e documento di rijbewijs anterior cu tabata di papel. Esun aki ta miho protegi. E rijbewijs nobo tin e formato di un tarheta bancario.

Si un persona ta Hulandes y e ta biba den exterior, anto e por solicita un rijwbewijs nobo na RDW. Pa esaki por download un formulario riba e website di RDW. Por obtene e formulario aki na Representacion tambe.

Si e persona no tin acceso pa internet, e por acudi na Representacion di Hulanda na Aruba, Corsou y Sint Maarten. Aki nan ta yuda cu yenamento di e solicitud pa un formulario di peticion.