Representacion di Hulanda na Aruba, Corsou y Sint Maarten

E capitulo aki tin 2 tema (topico)

E Representacion aki ta un puesto avanza di Hulanda. Tin 1 Representacion cu stablecemento den e 3 paisnan Aruba, Corsou y Sint Maarten.

E instancianan ta representa Hulanda den e gobiernonan di Aruba, Corsou y Sint Maarten. Banda di esaki Hulandesnan por acudi den e paisnan aki pa pregunta tocante nan rijbewijs, derecho di voto of pa asistencia consular den casonan di emergencia.

E Representacion aki ta:

  • conseha e ministro Hulandes di BZK tocante e maneho pa Corsou, Sint Maarten y Aruba;
  • duna informacion tocante e maneho cu Hulanda ta conduci. Pa e rason aki Representacion tin contacto cu e gabinetenan di e tres paisnan, cu e servicionan gubernamental y otro instancianan di comunidad;
  • raporta na ministro con a ehecuta e maneho y con ta experenci’e;
  • guia bishitanan oficial di ministronan Hulandes, secretarionan di estado y delegacionnan;
  • brinda yudansa na Hulandesnan kendenan a confronta problema riba e islanan.

Banda di esaki Representacion ta encarga cu:

  • ehecucion di e tareanan di e ley electoral (eleccion di Tweede Kamer, eleccionnan Europeo y referendum);
  • dunamento di informacion tocante rijbewijs Hulandes, obtencion di certificacion di bida y obtencion di formularionan di peticion pa compensacion di un biaha so na veteranonan di guera;
  • duna asistencia consular na portadornan di un paspoort Hulandes, kendenan ta inscribi na Hulanda y cu a keda detini na Aruba, Corsou y Sint Maarten (cuido pa detenidonan).

No pa documentonan di viahe, visa, permisonan di estadia y permisonan di trabou

Representacion no ta autorisa pa otorga documentonan di viahe y visa of pa eherce accionnan consular, manera cu esaki ta aparece den e Ley riba Derechonan di Canciyeria. Gabinete di Gobernador na Aruba, Corsou y Sint Maarten ta haci esaki. Representacion di Hulanda tampoco no ta intermedia ora ta solicita permiso pa estadia y pa trabou. Pa esaki e persona mester acudi na e instancia concerni.