Rol di Hulanda

Denter di Reino Hulandes, Hulanda tin un tarea di cuido pa ex-colonianan. Organisacion di Nacionnan Uni a stipula e tarea aki. Pa cu esey Hulanda ta responsabel pa bienestar di tur subdito denter di Reino. Un miho bienestar ta surgi pa medio di un gobernacion fuerte, un economia sano, mantencion corecto di ley y bon enseñansa.

Hulanda, denter di Reino, tambe ta responsabel pa hurisprudencia y pa combatimento di criminalidad y droga. Por ehempel pa medio di un bon organisacion policial y un Ministerio Publico fuerte. No obstante cu Aruba, Corsou y Sint Maarten ta paisnan autonomo, e tareanan aki ta demasiado pisa pa e islanan so. No solamente den suficiente capacidad pa un personal bon prepara, sino tambe den material adecua.

Puntonan di bista di relacionnan estatal

Cu e relacionnan estatal nobo Hulanda kier:

  • yuda Corsou y Sint Maarten cu nan deseo pa bira un pais autonomo denter di Reino;
  • un bon gobernacion cu ta liber di corupcion;
  • drecha bienestar di e poblacion di e ex-islanan BES;
  • sanea un gran parti di e debe nacional di e parti Caribeño di Hulanda. Total esaki ta 1.7 miljard Euro;
  • vigila temporalmente e maneho di presupuesto y di finansa di Corsou y di Sint Maarten;
  • keda coopera cu e dirigentenan local pa combati criminalidad y negoshi di droga entre Aruba, Corsou, Sint Maarten y e ex-islanan BES.