Referendum na Antiya

Na fin di añanan ’90 tabata reina un situacion desesperante na Antiya Hulandes pa motibo di e circunstancianan malo y constante. Tambe e pais tabata confronta un debe estatal masha grandi mes.

Hopi habitante di e islanan tabata biba bou di e nivel di pobresa, loke a haci cu criminalidad a crece enormemente. E gobierno actual Antiyano no por a logra ataca e problemanan di e islanan den forma structural. Ademas Antiya Hulandes no a logra pa actua manera un solo estado of nacion. E rol dominante cu Corsou tabatin, hopi biaha tabata a costo di e islanan mas chikito.

Cu Reino

Na 2005 a tene un referendum nacional na Antiya Hulandes. A resulta cu mayoria parti di e poblacion tabatin e deseo di keda pertenece na Reino Hulandes. Den forma di un pais autonomo of directamente cu Hulanda. E referendum aki a pone e base pa e relacionnan estatal nobo di Corsou, Sint Maarten, Bonaire, Sint Eustatius y Saba.