Minister Spies ta bishita Aruba, Corsow, Sint Maarten y islanan BES

Diaheubs, dia 9 di februari 2012, Minister Liesbeth Spies di Relacionnan Interior i Relacionnan di Reino ta inicia su bishita di ocho dia na Aruba, Corsow, Boneiro, Sint-Maarten, Saba i Sint-Eustatius.

Meta di e bishita ta pa sera conosi cu e islanan, nan gobernantenan, pueblo i cultura. Esaki ta prome bishita di minister Spies na Hulanda Caribense i e intencion ta pa asina e bai creando un vínkulo cu e islanan i nan respektivo poblacion. "Prome ku bo por papia di otro hende, bo mester papia ku nan prome." Pesey, na Boneiro, Saba i Sint-Eustatius e minister lo no hiba solamente combersacion cu gobernantenan, sino cu lo e tin encuentro tambe cu poblacion, lo e hasi diferente recorido na e islanan i lo presencia e paradanan di carnaval programa.

E minister ta cuminsa su bishita dia 9 di februari na Aruba. Dia di su yegada e tin un combersacion cu gobernador Fredis Refunjol di Aruba. Su siguiente dia e ta papia cu prome minister Mike Eman i lo e reuni cu conseho di minister. Tambe lo e bishita e centro di investigacion di TNO cu a inaugura recientemente, dr. Edward Cheung Center for Innovation i Europahuis establese den e mesun edificio.

Dia 10 di februari merdia su bishita na Corsow ta cuminsa cu un bishita na gobernador Frits Goedgedrag. E dia ei minister Spies lo tin tambe un encuentro cu prome minister Gerrit Schotte i conseho di minister. Diasabra, 11 di febrüari, tin programa un bishita na Refineria Isla. E mandatario lo papia tambe cu representantenan di fundacion SMOC. Despues di esei e ta sali pa Boneiro.

Diasabra, 11 di februari, e minister ta yega Boneiro, caminda e ta hasi un recorido na e isla i lo presencia e paradanan di carnaval hubenil na Rincon i Playa. E representante di reino lo tene recepcion na Boneiro, Saba i Sint-Eustatius, durante cua e tin e oportunidat pa intercambia di idea cu representantenan di diferente organisacion. Dia 13 di februari e minister ta combersa cu egezaghebber interino i tambe cu colegio ehecutivo i conseho insular. Despues e ta sali pa Sint-Maarten.

E programa di dia 13 di februari na Sint-Maarten ta consisti di combersacion cu gobernador Eugene Holiday, prome minister Wescot-Williams i conseho di minister.

E minister ta bishita Saba i Sint-Eustatius dia 14 i 15 februari. Na tur dos isla en cuestion tin programa un combersacion cu e gezaghebber i cu colegio ehecutivo i conseho insular. Tambe lo tin tempo reserva pa un recorido na e islanan. Dia 16 di februari e minister ta bolbe Corsow. Ademas tin riba e programa un bishita di conosementu cu e Colegio di Supervicion Financiero (CFT) i un bishita na e base di marina na Parera. Atardi minister Spies ta viaha bek pa Amsterdam.