VNO a contribui cu 40 projecto den 2010

E Representacion di Hulanda (VNO) a contribui un bes mas cu diferente projecto den aña 2010 for di e fondo pa projectonan chikito (Kleine Projecten Fonds). Cu e fondo aki VNO kier duna un aporte na e comunidad di Aruba den sentido amplio.

E 40 projectonan tabata hopi diferente. Ta trata di entre otro projectonan riba tereno di arte, cultura, hubentud, cuido di grandinan, y derecho di animal. VNO a contribui tambe na e realisacion di e pelicula Hulandes-Arubano “Heb het lief” di Caribbean Film Foundation, y tambe cu e organisacion di un curso pa life guards di Caribbean University of Aruba. E camp anual di club Don Bosco a ricibi un donacion y Arubaanse muziekschool a haya set di drum y instrumentonan di percusion. Otronan cu a ricibi un donacion tabata stichting Ambiente Feliz, stichting Funari, stichting Ambiente Nobo, Rode Kruis, Wit-Gele Kruis, Imeldahof y mas. Y naturalmente VNO a contribui cu e yegada di Sinterklaas!

Den 2011 e KPF ta cla pa contribui cu diferente projectonan. Pa evalua un projecto VNO ta mantene e siguiente criterionan:

  • E projecto ta duna un aporte na un bon causa den e comunidad di
  • Aruba/Curaçao/Sint Maarten, por ehempel riba tereno social, cultural, educativo, of riba tereno di deporte. Si ta posibel e projecto ta tene cuenta cu efecto riba termino largo (durabilidad).
  • E costo di un projecto no ta surpasa 10.000 florin.
  • Un descripcion corto di e metanan di e projecto
  • Un organisacion local (no un empresa comercial, instancia di gobierno of un persona priva) ta responsabel pa e administracion y e implementacion di e projecto.
  • E projecto ta wordo realisa na Aruba/Curaçao/St. Maarten.
  • E peticion no ta encera gastonan pa explotacion regular (manera por
  • ehempel e huur).

Peticionnan por wordo entrega por escrito na (L.G. Smith boulevard 44), of via email: info@vno.minbzk.nl.