Cada isla un status nobo

For di dia 10 di october 2010 Reino Hulandes ta consisti di 4 pais: Hulanda, Aruba, Corsou y Sint Maarten. Antiya Hulandes no ta existi mas, pa motibo cu tur isla tin un status nobo.

Corsou y Sint Maarten: paisnan nobo denter di Reino. Cu un “status aparte” denter di Reino, Corsou y Sint Maarten ta paisnan autonomo. E paisnan tin un gobernacion independiente y nan no ta dependiente di Hulanda mas. Por lo pronto Hulanda ta sostene e paisnan nobo den funcionamento di organisacionnan nobo di e paisnan. A prepara un plan di maneho pa e institucionnan di gobierno, cuanan riba e fecha transitorion di 10-10-10 te ainda no ta funciona suficientemente. Den principio e planan aki tin un plaso di valides di maximo 2 aña. Ehecucion di e plannan na aña 2011 ta primordial pa e paisnan nobo.

Bonaire, Sint Eustatius y Saba: municipionan nobo di Hulanda. Bonaire, Sint Eustatius y Saba tabata kier un laso mas profundo cu Hulanda. Awo nan ta pertenece como “municipionan particular” na Hulanda.

Aruba: Aruba y Hulanda a acorda un agenda mutuo, cu cua, durante añanan cu ta bini, nan ta ehecuta mehoracionnan den cumplimento di leynan, ambiente di biba di centro di ciudad y di legislacion. Probablemente lo finalisa e investigacion riba e situacion di gobernacion na Aruba na cuminsamento di aña 2011. A base di resultado di e investigacion aki lo evalua si lo tin motibo pa tuma medida mas detaya y riba cua nivel esaki mester sosode.