Gabinete a pone € 30 miyon extra disponibel pa inverti den Bonaire, Saba y Sint Eustatius. Cu esaki Gabinete kier stimula economia den Caribe Hulandes. Por ehempel: den mehora infrastructura y reduci pobresa.
Proyectonan pa cada isla
E placa ta pa e proyectonan aki:
Saba
- construi y desaroya haf;
- desaroya sector agricola.
Bonaire
- suministra combustibel di forma sostenibel;
- stimula construccion di vivienda social;
- traha plan pa desaroyo di agricultura;
- mehora abbatoir (e luga caminda ta mata bestia);
- stimula intermediacion laboral via un centro laboral;
- mehora e conexion entre educacion y mercado laboral.
Sint Eustatius
- Na Sint Eustatius ta bay deal (trata) cu e problemanan relaciona cu erosion di suela.
Proyectonan pa cuminsa na Bonaire
E inversionnan ta tuma luga ora por papia di un bon gobernacion y un maneho financiero sano. Secretario di Estado di Ministerio di Asuntonan Interior y Relacionnan den Reino (BZK) a palabra cu Conseho Ehecutivo di Bonaire con lo por mehora administracion y maneho, y nan a fiha esaki den un acuerdo administrativo. Asina a logra acuerdo riba bon gobernacion, bon maneho financiero y con fortalece e poder di ehecucion di e municipio particular Bonaire.
Tambe a cera acuerdo riba temanan considera importante tanto pa municipio particular Bonaire como tambe pa Reino. Esaki ta inclui entre otro reduccion di pobresa, vivienda social, caretera y acogida (guia y cuido) pa mucha.