Cada pais den Reino tin su propio gobierno. Cada pais tin su propio Gobernador. Gobernador ta hefe di gobierno.Na Hulanda, Rey ta cabes di gobierno. Gobernadornan di Aruba, Curaçao y Sint Maarten ta representa Rey den nan gobierno.
Mas informacion tocante e gobiernonan di Aruba, Curaçao y Sint Maarten por lesa riba website di e gobiernonan:
- Gobierno di Aruba;
- Gobierno di Curaçao;
- Gobierno di Sint Maarten.
Gobernador
E tareanan di Gobernador ta consisti di dos parti:
- e ta representa interesnan di Reino;
- e ta na cabes di Gobierno (di Aruba, Curaçao of Sint Maarten).
Gobernador no ta miembro di Gabinete. Rey ta nombra e Gobernador pa un periodo di 6 aña. Despues Rey por extende e nombramento un biaha mas. Ta nifica cu un Gobernador por keda den su puesto pa 12 aña.
Riba website di e Gobernadornan por haya tur informacion tocante e tareanan cu nan ta ehecuta:
- Gobernador di Aruba;
- Gobernador di Curaçao;
- Gobernador di Sint Maarten.
Tambe Gobernador ta nombra un Conseho Consultativo (Raad van Advies). E Conseho aki tin 5 miembro y ta conseha Gobernador riba varios materia.
Minister Plenipotenciario na Den Haag y na Washington D.C.
Aruba, Curaçao y Sint Maarten tin un Minister Plenipotenciario na Den Haag tambe. E Minister Plenipotenciario ta representa gobierno di su pais na Hulanda y Europa. E Minister Plenipotenciario hunto cu e ministernan Hulandes ta miembro di Conseho di Minister di Reino.
Ta haya mas informacion tocante tarea di e Ministernan Plenipotenciario riba website di e ministernan:
- Gabinete di Minister Plenipotenciario di Aruba;
- Gabinete di Minister Plenipotenciario di Curaçao;
- Gabinete di Minister Plenipotenciario di Sint Maarten.
Aruba y Curaçao tambe tin un Minister Plenipotenciario na Embahada di Reino na Washington D.C. E Ministernan Plenipotenciario aki ta representante di nan pais. Sint Maarten no tin Minister Plenipotenciario na Washington.