Fondonan

Financiamento di e programanan di cooperacion ta tuma luga via 3 fondo.

Stichting Ontwikkeling Nederlandse Antillen (Fundacion Desaroyo Antiya Hulandes) ta maneha e placa di desaroyo di Hulanda, cu ta destina pa ehecucion di programanan di gobierno na ex-Antiya Hulandes riba tereno di gobernacion, enseñansa, cumplimento di ley y desaroyo social economico. Te fin di aña 2012 Hulanda ta contribui na desaroyo di e programanan aki.

Antilliaanse Mede Financierings Organisatie (Organisacion Antiyano di Co-financiamento) ta maneha e placa di desaroyo di Hulanda cu ta destina pa organisacionnan no-gubernamental (NGO) den e paisnan Caribeño y municipionan. Te na fin di 2012 Hulanda ta contribui na e fondo aki. E organisacion aki ta percura pa e gastamento efectivo di e placa di desaroyo y tin como prioridad e mehoracion di e perspectiva di porvenir di hubentud.

Te poco tempo pasa Hulanda tabata contribui tambe na desaroyo di Aruba via e Fondo Desaroyo Aruba. E contribucion Hulandes pa e fondo aki a stop for di aña 2010. Ehecucion di e programanan cu e fondo aki ta financia, ainda ta andando.