Fondo Desaroyo Aruba

Na 1999 Hulanda a cera un acuerdo cu Aruba pa e reduccion gradual di e relacion di cooperacion. A palabra cu despues di 10 aña Aruba lo para financieramente riba su propio pianan.

Te na aña 2010 ambos pais tabata deposita placa den un fondo: Fondo Desaroyo Aruba. Hulanda a desposita casi 100 miyon Euro den e fondo. Aruba a paga un suma similar di 180 miyon florin Arubiano (1 Euro ta 2,3085 florin). E ultimo desposito a tuma luga den forma di fase. E deposito Hulandes tabata mengua pa aña, mientras cu e deposito di Aruba tabata aumenta cada aña.

Cu placa di Fondo Desaroyo Aruba ta paga proyectonan pa fortalece gobernacion, enseñansa, cumplimento di ley y finansa publico di Aruba. Pa esaki a institui programanan di mas aña. E paisnan a haci unicamente palabracionnan politico den liñanan general tocante e programanan di mas aña. Riba peticion di gobierno di Aruba, directiva di FDA ta dicidi riba proyectonan cu ta surgi for di e programanan aki. Pues, Hulanda no ta interveni den detayenan di e proyectonan.

E pagonan di Hulanda na Fondo Desaroyo Aruba a caba awo. Na juni 2010 Hulanda y Aruba a cumbini cu por uza placa di e fondo pa un programa nobo di mas aña. Te aña 2014 Aruba ta deposita placa pa ainda ehecuta e proyectonan cu a planea originalmente.