Plasterk ta ofrece Aruba yudansa na momento di mal tempo
Minister Plasterk di Asuntonan Interno y di Relacionnan di Reino, na nomber di gabinete, a ofrece yudansa y sosten na Aruba, pa combatimento di e consecuencianan di e mal tempo cu a asota Aruba e fin di siman aki.
Awe e tabatin contacto telefonico cu Minister President Eman di Aruba tocante e asunto aki.
Minister President Eman a expresa di ta masha agradecido pa e aporte ofreci durante e fin di siman cu a pasa, di tanto e mariniernan, como tambe di Recherche Samenwerkingsteam (RST). Maske cu e efectonan di e mal tempo tabata considerabel, e esfuerso aki a mustra di no tabata asina necesario. Minister Plasterk a duna di conoce awe, cu e oferta pa yudansa naturalmente ta keda vigente y lo yuda caminda ta necesario: “Ami a spanta ora m’a mira e imagennan di e mal tempo. Danki Dios cu no tabatin victima mortal, pero e daño material ta grandi y un mal tempo asina naturalmente tin un impacto grandi riba e habitantenan di e isla. Si Hulanda por pone un tiki di su parti pa duna Aruba un man, anto cu gusto nos ta haci esaki.”