Destinacion di medionan cu a sobra di Fondo Desaroyo Aruba
E 16 miyon florinnan Arubano (mas o menos 9 miyon euro) cu sobra di e fondo di desaroyo, Fondo Desaroyo Aruba (FDA), lo keda destina riba corto plaso pa drechamento di entre otro caminda y demas infrastructura, causa pa e mal tempo na Aruba na luna di november 2016, bon gobernacion, desaroyo duradero, mantencion di ley, enseñansa y proteccion di naturalesa. Ta uza e placa pa naturalesa principalmente pa proteccion di e rifnan di coral. Esaki Minister President di Aruba, Mike Eman, y Minister di Asuntonan Interno y di Relacionnan di Reino, Ronald Plasterk, a cumbini awe.
Entre 2000 y 2016, den cuadro di e relacion di cooperacion nobo entre Aruba y Hulanda, a ehecuta seis programa di mas aña na Aruba. Tur dos pais a deposita placa pa esaki den e fondo di desaroyo, Fondo Desaroyo Aruba (FDA). Hunto cu FDA a financia 763 proyecto den e periodo aki, cu un balor total di mas cu 500 miyon florin Arubiano, reparti entre e sectornan: calidad di gobernacion, enseñansa, salud publico, desaroyo economico duradero, mantencion di ley y Producto Aruba. Fin di september ta sigui e cuenta final di Fondo Desaroyo Aruba.
