Areglo pa conflictonan entre e paisnan di Reino
Ta bin un areglo di conflicto pa tratamento di disputanan entre paisnan di Reino. Conseho di Minister di Reino a bay di acuerdo cu esaki riba proposicion di minister Plasterk di Asuntonan Interno y di Relacionnan di Reino.
Ora cu surgi un conflicto riba un decision proponi pa Conseho di Minister di Reino entre e paisnan, anto ta pidi un opinion riba esey na Raad van State di Reino. A base di e opinion pisa ey Conseho di Minister di Reino ta reconsidera y ta tuma un decision tocante e disputa. Excepcion ta e decisionnan, cuanan na criterio di presidente di Conseho di Minister di Reino, pa motibo di interesnan hopi pisa di Reino, no por permiti posponemento, decisionnan contra cua, a base di regla existente, un Kroonberoep por keda institui y Leynan di Reino, pa cua Raad van State di Reino a duna un conseho caba.
E proposicion ta duna ehecucion na articulo 12a di Statuut di Reino, pa tuma un medida pa tratamento di conflictonan entre e paisnan di Reino.
Conseho di Minister a bay di acuerdo cu esaki pa manda e proposicion di ley pa conseho na Raad van State. Texto di e proposicion di ley y di e conseho di Raad van State di Reino ta bira publico, ora entrega esaki na Parlamento Hulandes (Tweede Kamer).