Noticia

E capitulo aki tin 2 tema (topico)

Derecho di voto pa e islanan Hulandes den Caribe, pa nan scoge Eerste Kamer

E derecho di voto pa habitantenan di Bonaire, Sint Eustatius y Saba (islanan Hulandes den Caribe) por vota pa scoge Eerste Kamer, a yega un paso mas cerca. Awe Eerste Kamer a aproba un proposicion pa cambio di Constitucion, cu ta haci esey posibel pa e habitantenan Hulandes residente. Segun minister Plasterk (Asuntonan Interno y Relacionnan di Reino) esaki ta un paso importante. Plasterk: ‘Ta di importancia esencial cu na e siguiente ocasion habitantenan Hulandes  di e islanan Hulandes den Caribe lo por eherce influencia riba composicion di Eerste Kamer.

Na Hulanda ta miembronan di ‘provinciale staten’ ta scoge Eerste Kamer. E islanan Hulandes den Caribe no ta forma parti di un provincia. P’esey habitantenan Hulandes di e islanan te awor no tin  bos den composicion di Eerste Kamer. Pa soluciona e problema aki ta propone pa funda un colegio electoral separa, di cua e miembronan – di un forma similar manera miembronan di provinciale staten – ta vota pa scoge Eerste Kamer.

E proposicion pa cambio di Constitucion awor a pasa e prome tanda di lectura den Eerste Kamer y Tweede Kamer y el a wordo aproba. Pa cambia Constitucion, despues di eleccion pa Tweede Kamer na maart 2017, tur dos Camaranan mester aproba e proposicion di ley den un di dos tanda y aproba esaki cu dos tercera parti di voto. 

E ora ey habitantenan di e islanan Hulandes den Caribe den un siguiente eleccion pa Eerste Kamer (na 2019) lo por tin influencia riba composicion di e Eerste Kamer.