Noticia

E capitulo aki tin 2 tema (topico)

Supervision financiero Corsou y Sint Maarten ta keda na vigor

E obligacionnan cu ta surgi for di e Ley di Reino di Supervision Financiero Corsou y Sint Maarten (Rft) tocante finansa publico ta keda na vigor pa Corsou y Sint Maarten. Esaki Conseho di Minister di Reino a dicidi, riba proposicion di minister Plasterk di Asuntonan Interior y Relacionnan di Reino.

Conseho di Minister a tuma e decision aki riba conseho di e comision di evaluacion di Ley di Reino di Supervision Financiero Corsou y Sint Maarten. Nan ta considera cu tur e dos paisnan no a cumpli completamente ni independientemente cu e normanan den añanan 2012, 2013 y 2014. E comision di evaluacion ta skirbi:

“Tanto Corsou como Sint Maarten a logra mehoracionnan den nan administracion financiero y nan ta recuperando e atraso den formulacion y stipulacion di e cuentanan anual. Sinembargo, cu esaki ainda nan no a yega na e punto cu lo por conclui cu tur dos pais, cu nan propio institucionnan y nan propio proceder gubernamental y supervision, ta den condicion pa yega na un administracion financiero sano y structural. Banda di esaki mester sigui recorta e atraso den e cuentanan anual mas ainda (tanto pa loke ta concerni tempo y e stipulacion necesario).”

E Colegio di Supervision Financiero ta prescribi cu Conseho di Reino, despues di cinco aña cu e ley a drenta na vigor (10-10-2010), ta dicidi si (un di) e paisnan no tin mester di cumpli cu nan obligacionnan mas. Akiden e ta sigui e conseho di e comision di evaluacion di Colegio di Supervision Financiero, di cua unicamente por desvia den forma hustifica. Conseho di Minister di Reino no ta mira ningun motibo pa desvia di e conseho.

E comision di evaluacion di Colegio di Supervision Financiero ta consisti di e siguiente personanan: señor Ron Gomes Casseres (presidente), señor Reuben Essed (miembro pa Sint Maarten), señor Edelmiro Seferina (miembro pa Corsou) y señor Mawrcel? van Gastel (miembro pa Hulanda).