Noticia

E capitulo aki tin 2 tema (topico)

Sint Maarten mester pone su presupeusto na ordo

Conseho di Minister di Reino a dicidi pa duna Sint Maarten un indicacion pa pone presupuesto 2015 y e calculacionnan di mas aña na ordo. Di e forma aki Conseho di Reino ta duna oido y sigui e conseho di Colegio di Supervision Financiero Corsou y Sint Maarten (CFt).

Sint Maarten mester tuma medida pa elimina e atrasonan di pago na balor di por lo menos ANG 189 miyon y pa compensa e deficitnan di añanan anterior di por lo menos ANG 60 miyon den e periodo 2015 te cu 2018. Tambe e pais mester elabora realisticamente e gastonan di pensioennan y cuido den presupuesto 2015 y tuma medida pa haci e sistema di cuido y di prevision pa behes sostenibel pa futuro.

E medidanan aki mester keda registra den un reforma presupuestario cu mester stipula prome cu dia 31 di october 2015. Colegio di Supervision Financiero lo husga si e reforma presupuestario y e medidanan proponi ta suficiente. Pa un sistema di cuido y prevision pa behez ta sostenibel, Sint Maarten ta haya tempo te fin di 2016 pa implementa e medidanan cu ta necesario.

Conseho di Reino ta kere cu dunamento di e indicacion aki ta necesario awo. Sint Maarten a haya suficiente tempo pa tuma e medidanan aki, pero cada biaha a neglisha di haci esaki, a pesar di promesanan haci. E indicacion tin como meta pa evita cu problemanan financiero ta crece bira astronomico pa e isla di Sint Maarten.