Declaracion di Sint Maarten y Hulanda pa fortificacion di mantencion di ley
Conhuntamente Sint Maarten y Hulanda ta atende fortificacion di mantencion di ley na Sint Maarten. Esaki ta loke ministernan Richardson di Husticia di Sint Maarten y su coleganan di Hulanda, esta minister Plasterk di Asuntonan Interno y Relacionnan di Reino y minister Van der Steur di Seguridad y Husticia, a discuti awe.
Mas trempan durante e aña aki ya caba e deliberacion Hudicial di Cuater partido (e deliberacion periodico entre ministernan di Husticia di Sint Maarten, Hulanda, Corsou y Aruba) a opina cu mester fortifica e mantencion di ley. E mandatarionan ta enfatisa cu fortificacion di Cuerpo Policial di Sint Maarten (KPSM) y un acercamento dinamico di criminalidad cu ta surpasa frontera y criminalidad cu ta mina y corupcion, ta na beneficio di poblacion di Sint Maarten y di Reino.
E protocol organisacion di un camber di integridad y fortificacion di mantencion di ley, tal manera a cumbini dia 24 di mei 2015 entre Sint Maarten y Hulanda, ta keda na vigor. Ta institui un camber di integridad independiente na Sint Maarten. Pa cumpli cu e Protocol ta haci otro palabracionnan tocante e forma di combati criminalidad cu ta mina y surpasa frontera, labamento di placa, traficacion di droga, atraco, traficacion di hende y contrabanda.