Noticia

E capitulo aki tin 2 tema (topico)

Caminda maritime rapido pa Aruba, Corsou y Bonaire un paso mas cerca

Hulanda ta duna sosten na e iniciativa pa desaroyo di un conexion diario rapido di barco entre e tres islanan: Aruba, Corsou y Bonaire. Un conexion vice versa asina via lama ta duna un impulso importante na economia di e islanan y ta contribui na mehoracion di e trafico di persona y mercancia entre e islanan. Esaki ta loke minister Plasterk (di Asuntonan Interno y di Relacionnan di Reino) a bisa den su discurso di apertura na e Conferencia di Reino na Corsou.

Entretanto un estudio di factibilidad a cuminsa riba encargo di Aruba, Corsou y Bonaire. Despues di su completacion lo tin claridad riba e condicionnan esencial necesario, manera facilidadnan di haf y proceduranan di aduana y inmigracion. Awo caba tin claridad, cu intercambio di dato y un bon cooperacion entre e departamentonan concerni di e tres paisnan Aruba, Corsou y Hulanda, ta necesario. Hulanda ta desea di haci esaki posibel y hunga un rol activo y coordinativo, door di brinda mas sosten tecnico riba tereno di ICT y asuntonan huridico.

E efectonan economico y social pa Aruba, Corsou y Bonaire por ta enorme, si habrimento cu un conexion diario rapido di ferry, transportacion mas barata di hende y di mercancia bira posibel. Actualmente no tin un bon conexion di boto y tur cos mester tuma luga via aire. Cu un conexion di ferry e mercado (di venta) pa comercio mesora lo bira mas grandi y lo bira tambe mas facil y mas interesante pa bira mas activo riba mas isla. Tambe lo surgi mas posibilidad pa turismo y otro formanan di dunamento di servicio. Ta stimula desaroyonan di sociedad, tal manera mas posibilidad pa preparacion, capacitacion y trabou. Tambe biahamento pa e pueblo, cu hopi biaha tin famia riba mas isla, ta bira mas facil y mas barata.