Nombramento di comision di evaluacion ley estatel di supervision financiero

Conseho di Minister di Reino, riba proposicion di Minister Plasterk di Asuntonan Interno y Relacionnan di Reino, a bay di acuerdo pa institui un comision di evaluacion Ley Estatal di Supervision Financiero. E comision di evaluacion lo mester forma un opinion riba e pregunta si Corsou y Sint Maarten ta cumpli structuralmente cu e normanan di Ley Estatal di Supervision Financiero.

E Ley Estatal di Supervision Financiero Corsou y Sint Maarten ta prescribi cu despues di cinco aña cu e ley aki drenta na vigor – 10 di october 2010 – Conseho di Minister di Reino mester tuma un decision riba sea si of no of cu parcialmente ta termina e supervision financiero na Corsou y Sint Maarten. Prome cu tuma un decision, un evaluacion ta tuma luga door di un comision.

Conseho di Minister a dicidi pa nombra e siguiente miembronan den e comision di evaluacion:

  • Señor Ron Gomes-Casseres, na mes tempo presidente, procedente di Corsou;
  • Señor Reuben George Essed na nomber di Sint Maarten;
  • Señor Edelmiro Alejandro Seferina na nomber di Corsou;
  • Señor Marcel Peter van Gastel na nomber di Hulanda.

E comision lo cuminsa su labornan na luna di april, y despues di tres luna lo manda su conseho pa Conseho di Minister di Reino.