Ningun buraco den pensioen pa studiantenan di Hulanda Caribense

Studiantenan di Bonaire, Sint Eustatius y Saba (BES), kendenan ta bay studia na Hulanda, den futuro ta sigui acumula un f beneficio pa dia nan bira grandi. Conseho di minister a bay di acuerdo cu un proposicion di Secretario di Estado Klijnsma di Asuntonan Social y Oportunidad di Trabou, kende ta encarga cu esaki.

Esun cu sali for di Hulanda Caribense pa bay studia na Hulanda Europeo, no ta bay keda mas bou di e seguro general di behes (AOV) di BES. Pues, durante e tempo ey e studiante no ta acumula un AOV di BES. Solamente si banda di studia, e ta traha na Hulanda tambe, anto e persona aki por sigui acumula pa e provision pa dia e bira grandi.

E gabinete kier evita cu studiantenan, durante e tempo cu nan ta permanece na Hulanda, ta haya un buraco den pensioen. P’esey, dia 1 di juli 2015, un decision ta drenta na vigor cu ta regla cu e studiantenan di tur manera ta sigui acumula AOV di BES si nan ta studia na Hulanda.

E regla aki ta valido tambe pa e otro banda. Hendenan kendenan for di Hulanda ta bay studia na Bonaire, Sint Eustatius y Saba, tampoco lo no por acumula AOV di BES mas. Nan ta keda sigura si pa AOW.