Acuerdo riba problematica di integridad Sint Maarten

Sint Maarten y Hulanda a yega na un acuerdo riba e problematica di integridad na Sint Maarten: e isla ta haya un camara independiente di integridad. Ministernan Dennis Richardson (di Husticia di Sint Maarten) y Ronald Plasterk (di Asuntonan Interno y Relacionnan di Reino di Hulanda) a firma e protocol diasabra dia 23 di mei, den cua e palabracionnan ta stipula.

Ministers Plasterk (BZK) en Richardson (Sint Maarten, Justitie) schudden elkaar de hand na het ondertekenen van het protocol

Ministernan Ronald Plasterk (di Asuntonan Interno y Relacionnan di Reino di Hulanda) y Dennis Richardson (di Husticia di Sint Maarten)

Image: BZK

Tambe a haci palabracionnan riba e yudansa pa y fortificacion di mantencion di ley na Sint Maarten, pa fortifica combatimento di entre otro violencia, atraco y contrabanda di hende. Tanto Richardson como Plasterk ta bisa cu nan ta satisfecho cu e paisnan conhuntamente a yega na e acuerdo importante aki.

Cu institucion di e camara di integridad ta duna ehecucion na e recomendacionnan di e investigacionnan tocante integridad cu a tene aña pasa. E camara aki ta haya autoridadnan independiente pa dunamento di conseho y hacimento di recomendacionnan. Tambe e camara por haci investigacion y haci denuncia.

Ta hancra e camara di integridad den un Landsverordening, y e ta raporta tanto na Gobierno y na Parlamento di Sint Maarten, como tambe na Conseho di Minister di Reino.

Fortificacion di asistencia huridico ta tuma luga tanto cerca cuerpo policial Sint Maarten, Landsrecherche, Recherchesamenwerkingsteam, como tambe na Ministerio Publico y Marechaussee Real. E fortificacion aki ta dirigi specialmente riba combatimento di “high impact crimes” (crimennan di impacto halto), criminalidad cu ta surpasa limite y cu ta debilita, contrabanda di hende y contrabanda di mercancia.