Bishita di secretario di estado Bijleveld-Schouten

Siman cu ta bini Secretario di estado Ank Bijleveld-Schouten di Asuntonan interno y Relacionnan den Reino lo hasi un bishita na Aruba y Antiyas Hulandes.

Secretario di estado Bijleveld-Schouten lo ta na Aruba pa e Simposio di Reino cu lo tuma lugar diamars merdia 29 di juni. E simposio aki ta sirbi como input pa desaroyo di e vision di maneho hulandes riba tereno di Reino. E Secretario di estado lo habri e simposio, minister-president Mike Eman lo hiba palabra, y minister Camiel Eurlings tambe lo ta presente. Minister-president Eman a invita e Secretario di estado pa un anochi informal dialuna 28 di juni. Diamars Eman y Bijleveld-Schouten lo papia cu otro tocante e.o. e programa di mas aña pa FDA cu nan mester acorda ainda.

Despues di su bishita na Aruba e Secretario di estado lo biaha diaranson mainta pa Bonaire. Na Kralendijk e lo bishita entre otro e ‘Regionaal Service Centrum’ y e comisario di BES, Henk Kamp.

Diahuebs dia 1 di juli e Secretario di estado lo participa na Curaçao na continuacion di e ‘Grupo di Guia Politico’ cu a tuma lugar mas prome den siman. E reunion aki lo ta den WTC.

Tira bista tambe na